Фестиваль любительских театров карелов, вепсов и финнов Республики Карелии «TAIDOSUARI» (02-03.06.2018)

5 июня 2018 г.

«TAIDOSUARI» - "Остров творчества"

2 da 3 päivänny kezäkuudu Priäžäs viettih enzimäine Taidosuari- festivuali. Kerävyttih kymmene teatterijoukkoo. Festivualin piämiäränny oli karjalaizien, vepsäläizien da suomalaizien kulʼtuuran säilyttämine da kehittämine, käyttämine omas paginas muamankieldy, kyläteatroin yhtistämine. Olimmo hyväl mielel, ku goštih tuldih Karjalan Tasavallan Kanzallisteatran ozuttelijat Vieno da Pekka Mikšijevat, taidojohtaja Sergei Pronin.

Kalevalan kanzanteatru näytti tovellizen da yhteh aigah ilokkahan ozetelman Eläintouhua. Vielʼjärven Randaine ozutti liirizen komedian Ystäväizet, a Nuožarven Koivuine-joukko Viizas saldattu. Nagroimmo muga, kai vačču rodih kibei. Veškelyksen kylän teatrujoukko toi meil komedian Počinpoijan tapahtumat. Alavoižen taigin - teatrujoukko Alavoižespäi tuldih ozutelmankel Čomus da tervehys. Anuksen rahvahalline teatru tuldih ozutelmankel  Seiččie juodua, seiččie luzikkua. Voinu ammui lopui, a muamo Voitonpäiväl syöttee da musteloo omii kuolijoi lapsii. Lapsien teatrujoukko Dessoilan kelloizet ozutettih suarnan Siämärven bunukkaizet. Lyydilaizien etnelline teatru  tuli suornukomediankel Grišoi – nagračču. Nagroimmo kai kyynelissäh. Priäžän teatrujoukko Kyläläizet ozutti Kindahan suarnoi. Petroskoin kulʼtuurikouledžan etnotaidellinen kurssi näytti suarnan Leppypulʼčukku. Jogahizel joukol annettih diplomat. Festivaalin pidi yhteiskunnallinen liitto Pyhäjärven juuret da Karjalan Tasavallan kanzallizen da reginuallizen politiekan Ministerstvu.